- الأستاذ اللي واقف أدام ... ارجع ورا لو سمحت ... انت واقف كدا ليه؟
= واقف بتصور معاكم ... و بالمناسبه أنا مهندس .
- يا عم أستاذ أو مهندس معدتش تفرق ... اقف ورا خالص ... كل واحد في ترتيبه و انت مكانك ورا الاستاذ الطويل اللي هناك دا.
= وراه ازاي ؟!! .. انا كدا مش هبان خالص ... و بعدين ازاي ترتيبي في الاخر كدا ... انا مؤهلاتي و خبرتي تخليني.
- شششش ... انت هتحكيلي قصة حياتك ... حد يرجع البيه دا ورا ... مش عايزين صداع ... و ايه اللي انت لابسه دا ... شاحت البدله دي منين؟
= لا مسمحلكش ... دي بدلتي بس انا خسيت .
- دا كمان هيحكيلي عن الدايت اللي عمله ... ايه يا جماعه حد يشوف قصة الراجل دا ... مؤهلاتك و خبرتك دول في مكان تاني ... الدنيا هنا مختلفه ... يلا يا بابا ارجع ورا ... يلا يا حبيبي ارجع مكانك و انا هجوزك هنومه .
تعليقات
إرسال تعليق