محدش بيتغير

 

- يا واد يا محترف ... قدرت بفن و مهاره تخلي التعبان يمسك ورده.

- أولا الموضع مش سهل و لا بسيط ... تمرين كتير و صبر أكتر و حذر شديد ... و ياما اتلدغت و كنت هموت.

- صح كلامك بس المهم النتيجه .

- النتيجه ان التعبان لسه تعبان ... عمره ما هيتغير و لا يغير طبعه ... هيفضل ماسك الورده طول ما انت بتعزف اللحن اللي هو عايزه ... هيفضل حبيبك و انت في أمان طول ما هو مبسوط ... جرب انت بس تبطل عزف ... حتى لو بطلت علشان إيدك تعبت أو نفسك اتقطع ... جرب و انت تعرف انه لا اتغير و لا هيتغير ... الحل مش انك تعزف على الناي ... الحل هو ...

- إيه الحل؟

- روح يا عم الله يسهلك ... انت بتاخد خبرة سنين و لا بتدفع و لا حتى بتسقف ... ابقى تعالى بكره يمكن احكيلك حكايه تانيه.