المصالح بتتصالح

 

- باشا إلحق أصحابك هيخلصوا على بعض ... إعمل حاجه قول حاجه بدل ما انت واقف تتفرج.

- أصحابي مين يا عم ... دول ناس طيبين ملهمش أصحاب.

- يا أخي متقلش كدا ... دول كل لما يشوفوك يسلموا عليك و الحب مالي عنيهم.

- يا راجل؟!! ... و إيه كمان؟ ... روح يا عم ربنا يسهلك ... انت بتاكل من الحركات دي.

- انت بتتريق عليه ... أنا غلطان ... سيبهم يخلصوا على بعض ... أصحاب أي كلام ... طيب خليك أجدع منهم و اعمل فبهم معروف.

- يا عم هدي نفسك و متقلقش ... دي مسدسات صوت ... و دا كله استعراض عضلات ... المصالح المشتركه هتخليهم يهدوا في الأخر و يتصالحوا ... و الداخل بينهم خسران ... و على رأي المثل اللي انت عارفه.