الباشا مفلس

 

- أيوه يا أنت ... واقف كدا ليه؟

- خلصت يا باشا الشغل و كله تمام ... سديت كل الفتحات اللي كانت جايبه هوا و بتدخلك حشرات ... و صلحت الابواب المكسره.

- طيب خلاص تقدر تمشي ... استنى رتب كل الفوضى اللي انت عملتها و امشي.

- حاضر ... الحساب لو سمحت؟

- حساب ايه يا مجنون انت!! ... كفايه اني سمحتلك تشتغل في القصر الكبير بتاعي ... انت مكنتش تحلم تعدي من جنبه.

- إيه الكلام دا؟ ... كبير إيه و بتاع إيه ... فلوسي يا باشا ... فلوسي بدل ما اعملك حكايه و اسمع بيك الناس.

- ناس مين دول ... بص على الصوره اللي ورايا ... كل المراكب دي كانت رايحه جايه بالبضاعه بتاعتي ... و بعدين كل البشوات اللي زيي كدا بيدفعوا براحتهم ... روح إسأل الأوباش اللي زيك و انت تتأكد.

- اللهم طولك يا روح ... انت هتدفع و لا....

- خلاص خلاص ... خد ... أوباش ... ألف غيرك يتمنى ينول شرف دخول القصر الكبير.