- ربنا يعينك يا بطل و تطفيها ... دي إيه النار دي كلها؟
- دي نار الغيره و الغل اللي في قلبك.
- غيرة ايه و قلبي ايه؟ ... هي الحراره أثرت على عقلك؟!
- أنا بتكلم جد... انت بس اللي بتداري ... أنا دخلت من ودنك و وصلت لقلبك ... هطفي النار و اطلع على طول ... دا شغلي و انا عارف هعمله ازاي.
- يعني هتشوف إيه اللي ولع النار و هتعمل اللي يرضيني و تديني حقي... صح؟
- لا طبعا غلط.... أنا هفضل أكلمك و أحكيلك حكايات لحد ما تهدى و تبقى تمام.
- كلام إيه و حكايات إيه!! ... يا عم انت فاكرني أهبل؟
- عادي مهو انا بعمل كدا كل مره و بتهدى و تنام ... أكيد انت أهبل ... مش محتاجه ذكاء.
- اممممم ... طيب أنا هعمل زي ما بعمل كل مره ... هبتسم و......
- كمل بعد ما تبتسم هتعمل ايه؟
- لا أنا لو قلتلك أبقى فعلا أهبل.
تعليقات
إرسال تعليق