التخطي إلى المحتوى الرئيسي

حيرتوني

 


- بص الباشمهندس لابس إيه ... يا ترى إيه الحكايه ... تعالوا ننكشه و نشوف لسه بعقله و لا خلاص اتجنن ... يا هندسه... باشا.
- أهلا أهلا ... على فين يا رجاله؟
- في حفله عاملينها للعمال و هيوزعوا هدايا ... متيجي معانا.
- يا ريت ينفع ... كل لما أقولهم أحضر مع العمال يقولولي مينفعش انت مدير ... أهو زي ما انتو شايفين ملبسيني جاكت البدله دا بتاع المديرين.
- أجدع مدير انت يا هندسه ... كدا انت رايح حفلة المديرين اللي في الفندق .
- لا مش رايح ... كل لما أقولهم أحضر معاكم يقولوا مينفعش تدخل بالشورت ... مع انهم هم اللي مسلمينهولي ... أنا هروح أي حته هاديه و أشرب عصير قصب و أكل بطيخ 🍉... اطمنوا لسه عاقل بس بتعايش لحد ما تفرج

تعليقات

إرسال تعليق

المشاركات الشائعة من هذه المدونة

بص وراك

  - إيه اللي بيحصل هناك دا؟!!! ... الحق يا هندسه ... بص هناك وراك بسرعه. - بص انت براحتك و لو ليك مزاج روح هناك. - اروح فين يا عم دي معجنه ... طيب بص بس وراك. - بصيت ورايا كتير لما بقيت زي ما انت شايف... آن الآوان أبص قدامي شويه. - من فات قديمه تاه. - من فات قديمه بالاصول وصل للقمر ... يلا وسع السكه خليني أمشي أو أجري و لو عرفت هطير.
إرسال تعليق
قراءة المزيد

كش ملك

  - يا عم الكمبيوتر استهدى بالله كدا و متخدهاش على أعصابك ... إيه يعني غلبتك يجي مية مره ... عادي يعني. - عادي ازاي بس ... يعني كل الإمكانيات المتقدمه اللي عندي دي و كل شويه اتغلب. - الموضوع و ما فيه إن الذكاء حاجه و المكر حاجه تانيه ... البشر عندهم قناعه إن ممكن نضحي بالبعض لمصلحة الكل و دي حاجه مش عندك إلا إذا برمجناك عليها ... احنا ممكن عادي نعمل عكس اللي في نيتنا و لما نتلام نقول إن نيتنا خير و مكناش نقصد و ربك رب قلوب و كدا يعني. - يعني أنا غلطان علشان بتعامل بالمنطق و الحسابات المظبوطه و نيتي صافيه . - لو سألتني أدام حد هقولك لا إنت صح و اثبت على مبادئك و يا بخت اللي قلبه أبيض و نيته صافيه ... بس علشان انت صاحبي هقولك الحقيقه ... إنت غلطان و ستين غلطان ... يلا العب ... كش ملك .
إرسال تعليق
قراءة المزيد

اللي فوق و اللي تحت

  - إشرحلنا بمثال واضح الخط الأحمر بيدل على إيه و الخط الأزرق بيدل على إيه. - الأمثله كتيره... زي مثلا الأحمر السن و الأزرق الإهتمام بما ليس مهما ... كل لما يزيد سنك يقل إهتمامك باللي مش مفروض تهتم بيه. - كلام جميل... و إيه كمان؟ - الأحمر اقتناع اللي فوق بذكائهم و حكمتهم و الأزرق اقتناعهم بذكاء و حكمة اللي تحت. - و دي فزوره و لا إيه؟ - لا أبدا ببساطه في ناس كتير كل لما يطلعوا لفوق في المال أو المنصب يحسوا إن ذكائهم بيزيد و إن اللي تحتهم ذكائهم بيقل ... و بيقنعوا نفسهم ان دي الحقيقه و الدليل انهم فوق و التانيين تحت. - ماشي فهمنا ... و إيه تاني؟ - الأحمر إحتياجك للأخرين و الأزرق قيمتك عندهم ... كل لما يزيد إحتياجك لحد و خصوصا إذا كان واطي تقل قيمتك عنده. - إمممممم ... و إيه كمان؟ - كفايه كدا ... يلا ياسيدي انت وهو شوفوا مصلحتكم ... بتكلم من الصبح و مفيش حتى كوباية شاي و لا سندوتش لحمه ... إيه البخل دا!!
إرسال تعليق
قراءة المزيد