- إزيك عامل ايه؟
- الحمد لله بخير يا باشا.
- و إيه الأخبار؟ ... سامع إن في حاجات كتير حصلت و في حاجات هتحصل و إنت أكيد عارف كل حاجه.
- أنا معرفش أي حاجه... و أنا بس هعرف ازاي ... أنا غلبان.
- هههه... غلبان... انت غلبان ؟ ... هههه... لعلمك أنا عارف كل حاجه ... عارف القرد مخبي عياله فين ... و النمله قالت ايه لجيرانها... كل حاجه بتوصلني ... إعترف أحسنلك ... و لا متعترفش ... براحتك.
- هقولك يا باشا كل حاجه ... بس لامواخذه سؤال معلش ... هو حضرتك بتعمل إيه بكل المعلومات اللي بتعرفها؟
- بحط عليها خميره و أغطيها لحد ما تخمر و بعدين أفردها و أحشيها خيبه و حسره على العمر اللي بيضيع أونطه و أعملها فطيره و أكلها أنا و اللي حاله زي حالي.
تعليقات
إرسال تعليق