أخد الحق حرفه

 

- شوف يا صاحبي ... في ناس زي المكنه دي ... حقك عندهم لكن علشان تاخد حقك لازم تدخل الكارت و تكتب الرقم السري.

- بس دا حقي المفروض أخده و عليه بوسه كمان.

- بوسة إيه الله يسامحك ... المفروض دا زي ما بيقولوا عند الفطاطري ... أنا بكلمك في الواقع.

- طيب و لو مش معايا الكارت أو نسيت الرقم.

- يبقى ملكش حق.

- لا دا أنا أمد إيدي و أخد حقي بالعافيه.

- هيعتبروك مجرم و تروح في داهيه ... أخد الحق له أصول.

- طيب لو المكنه عطلت.

- تنادي على اللي بيعرف يصلحها.

- بس دا حقي يا جدعان ... بقلك حقي ... بقلك حقي.

- امشي ياض داتك خابط في نافوخك... اعمل اللي يريحك ... بس أمانه لو عرفت تفتح المكنه ناديلي ... أصل ليه شوية حاجات جوه مش عارف أخدها.