الكداب

 

- ششش ... اسكتوا شويه ... عايز أسمع الراجل الجميل دا ... كلامه كله حكم ... يا سلام ... يا بخت اللي يشتغل معاه.

- اللي ميعرفش يقول عدس ... دا راجل فيه كل العبر ... روح اسمع حمو بيكا أحسنلك ... و متنساش باتون باليه بالسمسم هات.

- أهو دا اللي انتو فالحين فيه ... أهو انتو اتنين مهندسين أد الدنيا و معرفتوش توصلوا لربع اللي وصله ... دا كل اللي اشتغلوا معاه بيقولوا فيه شعر ... و تشوفه كدا إيما و سيما ... باشا.

- يا عم إحنا حاضرين كل حاجه بنفسنا ... شهود عيان ... عشنا المعاناه بنفسنا ... و سمعنا بودانا اللي بيقولوا شعر دول بيشتموه ... هم يمكن شغالين بمبدأ اللي متحتجش وشه بكره تحتاج قفاه.

- لو كلامكم صح كان زمانه مش لاقي شغل ... لكن دا بيعلى و يعلى.

- لو دليلك دا صحيح كان زمانا دوله من العالم الأول.

- مش فاهم.

- أحسن ... إسمع و ركز مع الراجل السكره دا... إحنا رايحين نجيب باتون باليه و هنعمل حسابك معانا.